- Падрабязнасці
- By Рэдакцыя
- Праглядаў: 96
Калегі і каляжанкі, якія не толькі наважыліся выбраць ролю мастака ці мастачкі, але і бяруць self-marketing у свае рукі! Разам з нашай даўняй партнёркай куратаркай і арт-кансультанткай Вольгай Кліп мы падрыхтавалі для вас набор кароткіх відэа-ўрокаў з простай мэтай — дапамагчы вам у самастойнай арганізацыі базавага пакету дакументаў, неабходных для падачы прапановаў на арганізацыю выставаў, удзел у арт-рэзідэнцыях, конкурсах і іншых задач па вашай прафесійнай самапрамоцыі.
У гэты пакет уваходзяць:
- Рэзюмэ/CV
- Заява мастака, альбо artist statement
- Біяграфія мастака
- І, як квінтэсенцыя першых трох, візуальнае партфоліа.
Падрыхтоўка з нуля ці “наладка” гэтых чатырох дакументаў да ўсталяваных стандартаў дапаможа вам у працы як з аўдыторыяй прафесіяналаў, так і аматараў мастацтва.
Міні-курс бясплатны і даступны ад зараз на нашым Youtube-канале. Яго можна праслухаць як відэаканспект з падказкамі, інструментамі і прыкладамі.
Вольга Кліп — куратарка і менеджарка культурных праектаў. У цэнтры сваёй куратарскай і менеджэрскай практыкі ставіць рэінтэграцыю мастацтва ў штодзённасць і пераадоленне элітарнасці ў арт-інстытуцыях. Вольга працуе з недастаткова прадстаўленымі мастакамі, асабліва ў сітуацыях культурнага выключэння. Калі вам неабходна больш глыбокая прапрацоўка навыкаў самапрэзентацыі і афармлення дакументаў, у тым ліку па-ангельску, Вольга стала працягвае наборы на групавыя і індывідуальныя кансультацыі — проста напішыце ёй ў Instagram.com: @olgaklip.
***
Курс створаны пры фінансавай падтрымцы German Marshall Fund.
- Менеджмент: Каця Раманчык
- Відэапрадакшн: Filmistr.pl
- Мэйкап: IG @vishnevskaya_mua
Дзякуем за ілюстрацыі на вокладках беларускім творцам (якія, дарэчы, прайшлі праз кансультацыі Вольгі):
- Дар’я Цемра — Cocoon, 2024, + Amputation of Roots, 2024, IG: @cemradarya, cemra.art
- Надзея Саяпіна, “Chto novaha nie bačyŭ, toj staromu rad” з серыі POKUĆ, 2024, IG: @nadya_sayart + партфоліа.
- Яўген Шадко, The Silent Pull, 2024 IG: @eugene.shadko
- Tasha Katsuba, Hope, 2020 IG: @tashakatsuba
